Wednesday, April 22, 2015

අරිශ්ටේ ඉල්ලල ජරමරේ...

ඕනි ලෙඩකට සිංහල බේත් බොන්න. ඔය ඉංගිරිසි බෙහෙත් වගේ නෙවෙයි සිංහල බේත් ගස් වැල් ම කොටලා අරන් හදන හන්ද මොන අතුරු ආබාධයක් වත් නෑ..."
ඇතැමෙක් මෙහෙම කියනවා ඔබ අසා ඇති. ඒත් ඊට පරස්පර විරෝධී කතාවක් මං ඔබට කියන්නම්.
මේ දවස් වල මං ඉන්න වාට්ටුව, ඒ කියන්නේ කායික රෝග වාට්ටුවට ඇඟ ඉදිමිච්ච ආච්චි කෙනෙක් ඇඩ්මිට් කරලා තිබුන. මෙයාගේ ඇඟ ඉදිමීමට හේතු හොයන්න කරපු පරීක්ෂණ වලින් හෙළි වෙලා තිබ්බේ මෙයාගේ අක්මාව නරක් වෙලා කියල. (අක්මාව නරක් වුණාම ඒක පිටට පෙන්නේ ඇඟ ඉදිමිම වගේ රෝග ලක්ෂණ වලින්) . වෙන විදියකින් කිව්වොත් ආච්චිට සිරෝසිස්. ෂුවර් එකටම ආච්චි කන් පාත් වෙනකන් බොන්න ඇති කියල මට හිතුණ.
සිරෝසිස් විතරක් නම් මදෑ ආච්චිට පොතු කබරත් හැදිලා එකෙනුත් වේදනා විඳින ගමන් තමයි මෙහෙම ඇඟත් ඉදිමිලා තියෙන්නෙ. අලි මදිවට හරක් කියල ඔයාලට හිතෙනන ඇති.
විස්තර අහගෙන යද්දී ආච්චි මෙහෙම කතාවක් කිව්වා.
අවුරුදු පහ හයකට විතර උඩදී පොතු කබර හැදුනලු. ඊට පස්සේ වෙද මහත්තයෙක් ළගට ගියපු ආච්චි ඒකට බෙහෙත් අරන්. මේ වේද මහත්තය දීල තියෙන්නේ අරිෂ්ඨයක්. කඩින් කඩ වෙද මහත්තයා හම්බවෙන්න ගියපු ආච්චි මේක අවුරුදු පහ පුරාවටම බීල.
සමහර සිංහල බෙහෙත් වල විශේෂයෙන්ම අරිෂ්ඨ වල අපේ ඇඟට අහිතකර විවිධ විෂ රසායන අඩංගු වෙනවා. වැඩිපුරම මේවා බලපාන්නේ අපේ ඇඟේ තියන විෂ නසන ඉන්ද්‍රියට. එකියන්නේ අක්මාවට. වකුගඩු වගේ වෙනත් ඉන්ද්රියන්ටත් මේ කියන බලපෑම අඩු වැඩි වශයෙන් තියෙනවා. කාලයක් මේවා බොනවා කියන්නේ මේ කියන ඉන්ද්‍රියන් විනාශ උණා කියන එක තමයි. ඉතින් අපේ ආච්චිට වෙලා තියෙන්නෙත් ඒකයි.
අන්තිමට කියන්න තියන්නේ මේවගේ සිංහල බෙහෙත් බොන්නම ඕනි නම් විශේෂයෙන්ම ගොඩ කාලෙකට බොනවා නම් වකුගඩු ඒවගේම අක්මාව වගේ ඉන්ද්‍රියන්ට ඒ බෙහෙත් වලින් හානි වෙනවද කියල අදාල පරීක්ෂණ කාලෙන් කාලෙට කරගන්න ගමන් බොන්න කියන එකයි.

6 comments:

  1. ඒ වුනාට සමහර අරිෂඨ හරි රහයි නේ....??/
    අකුරු වල පාට පොඩ්ඩක් එහෙ මෙහෙ වෙලා වගේ....

    ReplyDelete
    Replies
    1. thank you wewa... රහ හැම එකම ගුණ නෑ රූපේ. :-)

      Delete
  2. ආං දැක්කනෙ.. මං නං නෑ අරිස්ඨ බොන්නෙ ආය ඕං

    ReplyDelete
  3. සිංහල බෙහෙත් දිගින් දිගට ම ගැනීමේ දී ඔය ගැන බැලිය යුතුයි කියන ඒක නම් අැත්ත

    ReplyDelete
  4. ඒක සිංහල බෙහෙත් දෙන වෙද මහත්තුරුත් කියනව
    ඕනම දෙයක් ඕනවට වඩා ඕනම නෑ නෙ

    ReplyDelete
  5. ඔය අරිෂ්ඨ වලට සිරෝසිස් හැදෙන කතාව නිසාම අපි දන්න වෙද මහත්මයෙක්ගෙන් ඒ ගැන ඇහුවා. බොහෝ අරිෂ්ඨ හදන්නේ තඹ භාජන වල, ඒවායේ තඹ කොටසක් දියවෙලා අරිෂ්ඨ වලට එකතුවෙන බවත් ඒනිසා ඔය ඉහත ආකාරයේ අක්මා රෝග හැදෙන බවත් පැවසුවා. ඔහු පාවිච්චි කරන්නේ එවර් සිල්වර් භාජන බවත් සඳහන් කරන්න අමතක කරේ නෑ...

    ReplyDelete